Txirrindulari baten heriotzaren aurrean: Istripu gehiagorik ez!! Txirrindulariok trafikoa gara!!

Txirrindulari baten heriotzaren aurrean Bilboko kaleetan, BIZIZ BIZIk, Bilboko Hiri Txirrindularien Elkarteak, elkarretaratze deia egiten du Udaletxearen aurrean hurrengo ostiralean, hilaren 24an, arratsaldeko 19:00etatik 19:15era bitartean. Elastiko beltza jantzi.

Txirrindulari baten heriotza, zoritxarrez, Juan Antonio Bardemen pelikula famatuaren izenburua baino gehiago da. Gaur, Javi izan da. Ekainaren 1ean Bilbon izan zuen istripuaren ondorioz, hiru aste koman igaro ondoren, hil egin da.

Gaur bizikletazaleon familia triste dago, gutariko baten heriotzak tristura emateaz gain, errepideari diogun beldurra areagotzen baitu. Orain txirrindulari honen ingurukoek sentitzen duten sumindurarekin bat egiten dugu. Lehen ere bizikletarekin ateratako plazerrik paregabekoarekin identifikatzen ginen.

Hau horrela izanda ere, BIZIZ BIZIk, Bilboko Hiri Txirrindularien Elkarteak, animatu egiten ditu kideak errepidera ateratzera, jakin baitakigu, ondo gainera, gure espazioa ez dagoela espaloietan, errepidean baino. Biziz-Bizik lanean jarraituko du erabiltzaileen egoera ahalik eta seguruena izateko eta erabilera hobetzeko eta errazteko.

Bilbon sarritan agindu digute mugikortasun iraunkor eredu bat abian jarriko dutela, baina autoentzat pentsatutako eta diseinatutako hiri batean jarraitu behar dugu pedalei eragiten. Autoekin lehian ibili behar dugu tokia izateko, baina egoera txarragoan, uste baitute toki hori haien eremu pribatua dela.

Bide-segurtasun politikaren arrakasta elkarbizitzarako arauekiko errespetuan datzala pentsatzen dugu. Hori dela eta, azpimarratu nahi dugu era seguruan aurreratzeko maniobraren garrantzia, 1,5 metroko segurtasun distantzia kontuan hartuz eta abiadura motelduz. 

Baina formakuntza lehenago hasi behar da: heziketa planetan txirrindularientzako bide-hezkuntza sartu behar da. Geroko txirrindulariak ahaldundu eta galtzada okupatzeko eskubideaz kontzientziatu behar dugu.

Altzairuzko armadurarik gabeko zaldunak gara. Gizakiak ere bagara eta akatsak egin ditzakegu. Errepidean horrelakorik berriro gerta ez dadin, gure ahultasuna ulertu behar da eta hortik gure espazioa kontu handiz errespetatu. Horrela izatea zure esku dago.

TXIRRINDULARIOK TRAFIKOA GARA

ISTRIPU GEHIAGORIK EZ!!!

¡¡¡CALMADO DEL TRAFICO YA!!!